Батюшков о засилии поляков

 

Батюшков, Белоруссия и Литва

Назначение поляков вызывало протест в ВКЛ, Русская историческая библиотека, т. 30, с. 27, 1538 г. посольство к Сигизмунду от панов-Рады

Mazowsze: obraz etnograficzny. Mazowsze stare. Mazury. Podlasie. Tom V.

Василий ТЯПИНСКИЙ Предисловие к Евангелию1

Василий Тяпинский зацной монархии Словенской, а злаща

богобойным, ласка и покой от бога отца и пана

нашего Исуса Христа.

Бо а хто богобойный не задержить, на такую казнь божию гледе-чи, хто бы не мусил плакати, видечи так великих княжат, таких панов значных, так много деток невинных, мужов з жонами в таком зацном руском, а злаща перед тым довстипном, учоном народе езыка своего славнаго занедбане а просто взгарду, с которое за покаранем панским оная ясная их в слове божьем мудрость, а которая им была, праве, яко врожоная, гды от них отишла, на ее местьце натыхмест такая оплака-ная неумеетность пришла, же вжо некоторие и писмом се своим, а зла­ща в слове божием встыдают. А наостаток, што может быти жалоснейшая, што шкарадша, иж и тые, што се межи ними зовут ду­ховными и учители, смеле мовлю, намней его не вмеют, намней его вырозуменя не знают, ани се в нем цвичат, але и ани школы ку науце его нигде не мают, зачим в полские або в иные писма за такою нево­лею немало и у себе и дети не без встыду своего, бы се одно почули, немалого заправуют.