253
Привилей Васылю Тишковичу на две села на имя Баиковичы а Малочковичы у Слонимском повете, от кн(я)зя Семена Александровича Чорторыского купленые, вечностью
Жыкгимонт, Божю м(и)л(о)стью. Чиним знаменито сим н(а)шим листом, хто на него посмотрыт або чтучы его вслышыть, н(и)нешним и потом будучым, кому будет потреба того ведати. Бил нам чолом дворянин н(а)ш Василей Тишкович и поведил, штож державца пропоискии и чычерскии кн(я)зь Семен Александрович Чорторыскии продал
[В верхней части страницы частично обрезанный текст:]
[Писан у Петр]кове, под лет Бож(его) нарож(енья) 1000 пятьсот 23, м(е)с(е)ца ок(тября) 28, индикт(т) 12.
В том листе рука королевская. Горностаи. // [225(121)]
Страница 260
1523
ему два села именьем своего Лососинного у Слонимском повете на имя Баиковичы а Малочковичы з людми, ... а как ся мень держал, жил, що на себе и на ближних своих не оставляючы, за пятьсот коп грошей обел вечно, которыи ж две селе кн(я)зь Семен на нас выслужил, как жо мы то ему привильем нашим потвердили на вечность, и тыи земли к тыи селом кн(я)зь Семен сам ему ограничыл и тыи границы на имя в листу своем записном выписал: почоншы от верха Черемошное речки, тою ж речкою у низ до реки Рожаное, а рекою Рожаною у низ до логу Переделского, а тым логом просто к великои дорозе, которая идеть з Литвы к Берестю, а тою великою дорогою по Лысковскую границу, што с(я) делит з Лососиною, а за ся почонши от Черемошного верха грани поклал у олху, а потом просто къ верху сеножатному, а от верха сеножатного в Темру реку по Лысковскую ж границу; а которыи сеножати на Зелви реце, в тыи сеножати Василю Тишковичу и тыи люди его Баиковцы и Молочковичы не мають уступати с(я). А што с(я) дотычеть бортное земли, в тыи земли бортные мають тыи люди по-старому вьходы свои мети. На штож Василеи и тот лист купчыи перед нами вказывал и бил нам чолом, абыхмо ему на то дали н(а)ш лист и потвердили то быхмо ему привильем н(а)шим на вечность.
Комментариев нет:
Отправить комментарий